Guys, nach féidir linn neamhaird a thabhairt ar Gregory Campbell? Céard is fiú a bheith ag trácht ar an bhaothchaint sin uaidh inné? Bogaimis ar aghaidh

Aontaím leat, tríd is tríd, ach léirigh Gregory meon na nAontachtaithe go paiteanta - gur leosan an stát agus go bhfuil saol Náisiúnaithe ag brath ar a gcead nó a neamhchead. Is breá liom focail mar 'athmhuintearas' agus 'comhurraim' ach caithfear cinseal na nAontachtaithe a chur san áireamh.

B’fhéidir gur léirigh ach sílim go gcuirtear leis an chinseal céanna nuair a thugtar aird ar a leithéid de chaint fholamh gan téis. Is cinnte gur cheart éisteacht le daoine ar achan taobh ar mhaithe leis an athmhuintearas ach ní raibh ann inné ach stolladh chun aird a tharraingt, dar liom féin.